Áríðandi tilkynning

www.123.is/bellabong

has re - opened

Takk fyrir

Strumpastrump

Tuð

Jahá, síðasta skipti sem hringt var úr heimasíma Sunnubrautarinnar í Domino´s var í kvöld. Þ. e. ef áhugi vaknar ekki fyrir pizzu með extra skammti af hráka...

Sóttu pizzu þar í kvöld, Ha&Gu, og fengu kolvitlausa pizzu afgreidda. Feðginin biðu samviskusamlega eftir að kolvitlausa pizzunni var fleygt í ruzlið og "rétt" pizza gerð á meðan var Ma heima að farast úr stressi því það er ekki töff að mæta of seint í Leikhús.

Við systkinin kíktum svo á kræsingarnar heima á meðan Ha æddi um húsið og greiddi sér, klæddi sig og á einhvern undraverðan hátt setti á sig bindið og reimaði skóna á sama tíma... Þegar Ma&Ha voru rétt farin að varp öndinni léttar á leið útum dyrnar heyrist í Gu:

"Þetta er ekki rétt pizza heldur. Ég get ekki borðað þetta"

Tók okkur Jay alveg rúman hálftíma í að ákveða hvort okkar yrði leiðinlegi kvartgaurinn og á endanum var það ég sem tók mig til og var pirraði en samt sem áður réttláti sári kúnninn sem vildi fá RÉTTU pizzuna senda heim, alveg upp að dyrum.

Skilningsríki vaktstjórinn sagði það vera ekkert mál og að pizzan yrði sett í forgang.

Og einum og hálfum tíma eftir að hringt var í Domino´s í upphafi rennir pizzustrákurinn í hlað með hálfvolga pizzuna og segir:

"Já ég á að taka hina pizzuna til baka"

Bella:

"Neibb. Bless."

Og pizzudrengurinn hélt heim á leið ákaflega stúrinn, heilli vitlaust afgreiddri pizzu tvisvar í röð fátækari...

En kommon, í fyrsta lagi sagði vaktstjórinn í símanum aldrei að ég ætti að skila klúðurpizzu #2. Í öðru lagi þá voru þau þegar búin að klúðra þessu áður og þá tóku þau klúðurpizzu eitt til baka. Og í þriðja lagi þá var ekki eins og við hefðum fengið afslátt af einu né neinu.

Þannig að sem neytandi þakka ég bara Domino´s fyrir að mega borga fullt okurverð fyrir að fá aðra pizzu af tveimum í hús rúmum einum og hálfum tíma seinna og láta gefa í skyn að ég sé lygari og gráðug með því að, ekki biðja mig..., heldur SEGJA mér að skila Klúðurpizzu #2.

Næst þegar ég panta pizzu hjá Domino´s ætla ég að biðja um vaselín með...

Mittwoch

Þessi dagur er í hávegum hafður í Þýskalandi því að kvöldi dags er farið að síga á seinni helming vikunnar og Þjóðverjarnir geta farið að hlakka til að sofa út um helgar og vakna kl hálf átta í staðinn fyrir hálf fimm eins og hina dagana.

Fyrir svona, -vil helst ekki fara á fætur fyrr en eftir þrjú á daginn- manneskju eins og mig var þetta auðvitað alveg óþolandi vöknmynstur sem vandist aldrei. Ég hefði líklega ekki einu sinni getað komist á fætur yfir höfuð nema út af því að það var alltaf dýrindis morgunmatur í boði. Sérstaklega um helgar.

Fór að heimsækja Mini-Tino í gær sem er að flýta sér að stækka og er orðin alveg risastór. Enda er hún að spenast 24/7. Svo er hún algjör púkastelpa - pissaði á Guðný Þóru...

Það er eitthvað vinnupartý á Apótekinu 12. apríl. Er einhver laus, óóléttur, sem vill koma með sem maki minn. Fríar veitingar fram að miðnætti...

Og orðið á götunni er að það sé að styttast í Siggu Daney og ástmann hennar. Eva þú átt að hætta að lesa hér! Og svo þarf að fara að plana, í alvöru Eva hættu hér, BabyShower-ið hennar Evu. Eva! Síríöslí! Mig langaði til að poppa það aðeins upp og koma með smá nýtt twist enda er hún Eva enginn MeðalJón.

Hver vill koma að brainstorma EvuBabyShower með mér í EMIL?

Páskarnir

Voru alveg hræðilega skemmtilegir.

Djammaði með Þórhöllu á miðvikudaginn og var að langt fram á næsta dag. Hrottalega gaman.
Reis svo upp um átta leytið á fimmtudaginn og var förinni heitið í Kaffitárspartý þar sem Guðdís boss eldaði alveg dýrindis lúðu í vínberjasósu. Ég held ég hafi aldrei áður smakkað jafn góðan fisk.
Nema svo daginn eftir hjá mömmu. Lax með mangó og pistasíuhnetum. Það var líka alveg skelfilega gott.

Eftir meltuna hélt ég í sveitina. Og skemmti mér þar einnig langt fram á næsta dag. Aðallega með Garðbúum. Fór síðust að sofa og vaknaði fyrst. Hélt vöku fyrir greyið stelpunni í kojunni fyrir neðan. Og reyndi svo að ræsa þessar útungunarvélar vinkonur mínar til að spjalla við mig í þynnkunni. Tinna fór alveg fram úr mínum björtustu væntingum og lét mig leggjast á pallinn fyrir utan í hláturskrampaköstunum og sólinni.

Var svo í bænum og þóttist fara snemma að sofa á laugardaginn til að vakna snemma fyrir fjölskyldubrunchinni heima á Sunnubrautinni. Nýpressaður morgunsafi, amerískir klattar, beikon og egg og allskonar fleira möntsjí endurnærir allar þreyttar djammbeyglur. Þannig eftir að ég melti lambalærið um kvöldið fór ég enn og aftur í sveitina, (Keflavík) og fór í partý með aðallega Sandgerðingum og svo dántán. Var obbsla gaman líka.

Og þótt að Garðbúarnir og Sandgerðingar hafi sannarlega staðið fyrir sínu þá stóð einn Njarðvíkingur samt upp úr.

Að lokum vil ég bara samhryggjast ykkur hinum sem misstuð af mér og öllu stuðinu. En örvæntið ekki. Það koma páskar aftur á næsta ári.

Same old, same old

Alltaf sama sagan. Ég, eða þetta sem heldur mér gangandi - innri maskínan - hrekkur alltaf í gang þegar lyktin af vorinu kemst í umferð. Og ég fann hana sko um helgina. Á sunnudaginn. Með Möx. Hún fann hana líka.

Allt fer á fullt, hausinn á mér hreinlega iðar af allskyns slæmum, vanhuxuðum hugmyndum og einstaka sinnum leka þær hreinlega útum nefið á mér. (oft með hor á vorin) Liggur við að ég þjáist af fótaóeirð í leiðinni.

Svo ofan á allt það, á ca. tveggja ára fresti (2004, 2006, 2008?), dreg ég mig á asnaeyrunum til útlanda. Ég hreinlega veit ekki hvort ég myndi mæla með því eða á móti að unglingar á heimilum landsins séu sendir sem skiptinemar út um allar trissur. Foreldrar ættu allavega að hafa í huga að þegar fræm útþrárbakteríunnar er sáð er ekki aftur snúið.

Eftir að hafa farið bloggrúntinn sé ég að ég er alls ekki ein um að fá þetta sjálfvirka "GERÐEITTHVAÐ" spark í rassinn með vorinu. Veit ekki hvað þið ætlið að gera í þessu guys and girls en ég er allavega byrjuð að sækja um skóla í útlöndum. 2 so far. Og er bara rétt að byrja.

Vil annars bara þakka Guði eða hverjum sem það var sem fann upp internetið og Google. Mar gæti ekki sótt um magadansnámskeið í undergroundskóla í Uzbekiztan án þeirra.

Fylgni eða orsök?

En fyrst þettta: mig langar svo í skúffuköku að ég er að farast. Svona skúffuköku með dökkbrúnum botni, aðeins ljósara smjörkremi og kókósmjöli oná. Shiiiii...

En já. Orsök og fylgni. Gæti jafnvel verið að þetta félli undir tvöfalt siðgæði.

Frumubreytingar.

Læknar halda því fram að konur sem eigi marga bólfélaga séu líklegri til þess að fá frumubreytingar og óléttar konur.

Bella segir: Konur sem eiga marga bólfélaga og ólétta konur fara bara oftar í skoðun til kvensjúkdómalækna en hinar. Punktur.

Annað double standard dæmi:

Eins og mér finnst Dr. Phil of hitta í mark þá er hann alveg glataður þegar kemur að unglingakynlífinu. Hann kemur því inn hjá stelpum að þær séu hórur ef þær eru að sjúga sig inn í partý og þar fram eftir götunum. Í staðinn fyrir að taka þessa gaura sem ERU AÐ LÁTA LITLAR STELPUR SJÚGA Á ÞEIM TYPPIÐ TIL AÐ KOMAST Í PARTÝ upp á eyrunum og hreinlega setja þá í höggstokka á einhverju torgi einhvers staðar. Þetta snýst allt um framboð og eftirspurn. Ekki hvort 15 ára stelpa sé mella eða ekki mella.

Ef engin spurn er eftir því að 15 ára stelpur séu að totta gaura til að komast í partý þá er ekkert framboð. Punktur.

Enn annað double standard dæmi:

Núna eru klamidíu augl. að gubbast út úr öllum fjölmiðlum alls staðar þar sem tuggið er að stelpur verði ófrjóar af klamidíu. Ein af hverjum fjórum og eitthvað blablabla. Afhverju er alltaf þessum hræðslukynfræðsluáróðri beint að stelpum? Eru engir kynsjúkdómar sem gera stráka ófrjóa? Eða er það í þessu eins og sumu öðru, að stelpunum er gefin ábyrgðin til að bera? En strákarnir... tja þeir eru og verða bara strákar... greyin....

Baaah gæti alveg endalaust pirrað mig á þessu. Oftar en einu sinni og oftar en tvisvar sem þessir gaurar free- ride- a og komast upp með ýmislegt bara því þeir eru strákar.

Á móti eru nottla líka dæmi um að stelpur snúa einhverjum um fingur sér bara því þær eru stelpur en það eru venjulega sömu vitlausu, ginkeyptu gaurunum sem er snúið... sorry strákar. Svona er þetta bara.

Ágætis mánudagur

Lífið svona rétt lallar áfram þessa dagana. Er ekki búin að vera að spá neina hluti í gegn, bara rétt þreifað á yfirborðinu því ég hef aðallega legið á blístri og ekki haft getu til að velta mér eða neinu fyrir mér. Verð líklega mother fokkin huge ef ég fer ekki að setja síu á matarinnkaupin hjá pabba. Hann kaupir bara óhollt og vill alltaf nammi og ís eftir mat.

Held að efnahagskreppan eigi fyrst eftir að gera vart við sig í auglýsingaiðnaðinum. Allir stuck up grafísku teiknararnir (núna er ég að meina Sigga O) fara að betla á götunum og fashionable starfsheiti eins og hugmyndasmiðir og viðburðastjórnendur heyra sögunni til í bili. (þangað til í næstu uppbylgju a. m. k.)

Gos er aftur farið að kosta 155 á bensínstöðvum (líklega 417 kr í 10/11) eins og fyrir vasklækkunina í fyrra.

Er geðveikt spennt að sjá hvort verð á húsnæði eigi eftir að breytast eða standa í stað.

Er líka spennt að sjá hve mikið hærra en 155 krónur bensínlíterinn þarf að hækka til að við hreinlega leggjum bílunum okkar. Meina minn bíll er tiny tim. Það er ekki langt síðan það kostaði ca 3 þúsund í mesta lagi að fylla hann. Nú er það ca 4500. Það er um 50% hækkun.
Geðveiki.
Þurfum kannski að læra að car-poola eins og restin af Evrópu.

Óléttumálin standa þannig:

Tinna er á góðri leið með að vera etin upp til agna af mini-tino. Þetta var fyrirsjáanlegt þar sem mini-tino var þegar orðin mjög kröfuhörð á mat strax í móðurkviði.

Rauðhausinn í vinkonuhópnum lét annan rauðhaus barna sig. Er að spá í að gera veðjpool. Líkurnar eru 1 á móti milljón að barnið verði ekki rauðhært.

Sigga G fer alveg að kúka út úr sér sínu öðru barni.

Og Eva er svo þar rétt handan við hornið.

Annars hefur það verið bara frekar rólegt í þessari barneignardeild þetta árið...

Ég er ekki heit fyrir neinum strák í augnablikinu sem er mjög tómlegt. Svona er þetta að kíkja ekki út á lífið heila helgi. Mar dettur alveg út úr deitoghitt rútínunni sinni.


DJÓK!
Ég er ógeðslega heit fyrir Mads Mikkelsen, dönskum leikara sem lék m. a. Tristan í King Arthur.
Þessi dúd er svo heitur...

Á svona danskan hátt. Nenni ekki að setja fleiri myndir inn því þetta er eitthvað drasl forrit sem getur ekki sett myndirnar hvar sem er. En hér er linkur á fleir hot danskemads myndir í boði google:

http://images.google.is/images?sourceid=navclient&ie=UTF-8&rlz=1T4ADBS_enIS256IS259&q=mads+mikkelsen&um=1&sa=N&tab=wi

Jæja læt þetta gott heita
kissíkissímissí

Patrick Swayze við dauðans dyr?

Orðið á gossip street er að Patrick, dirty dancing, Swayze sé með ólæknandi krabbamein. Hver man ekki eftir Swayze klassík á borð við "nobody puts baby in the corner" eða lagið hans, She´s like the Wind?

En þetta eru frekar óáræðanlegar upplýsingar frá einhverjum Séð&Heyrt miðlum:

http://www.nationalenquirer.com/patrick_swayze_cancer_weeks_live/celebrity/64581
www.perez.hilton.com

Vonandi bölvuð lygi

Langar í hvolp

Ok ég fékk mér pizzu í dag þannig núna langar mig í hvolp.

Lítinn sætan krútthvolp sem kúkar og pissar útum allt en mar elskar hann samt!

Hvað kosta Labrador eða Schaefer hvolpar eila? Langar ekki í svona lítinn rottuhund, ljótan bulldog eða grimman Rottweiler. Langar í lítinn hvolp sem verður að risahundi sem hægt er að hlaupa hálfmaraþon með tvisvar á dag.

Langar svooo...

Í pizzu. Ég er að deyja.

Annaðhvort í Pizzu með extra ost og pepp
Eða í hvítlauksbrauðs-pizzu
Eða pizzu S eða pizzu R á Eldsmiðjunni
Eða barbeque pizzuna á Pizza Hut
Eða pizzu með skinku, beikon, lauk, ananas og extra osti
Eða pizzu með skinku, banönum og ananas
Eða pizzu með pepp, banönum, ananas og aukaosti
Eða Thai kjúklingapizzuna frá California Pizza Kitchen

Kræst ég hef aldrei vitað annað eins. Er búið að langa í pizzu í 2 daga núna. Og ekki lítið. Heldur alveg ógeðslega mikið. Ég get visualæzað bæði útlitið og bragðið að þeirri pizzu sem mig langar í þá og þá stundina. Oh my god!

Vill einhver koma í pizza lunch á morgun?
Eða pizza brunch?
Eða pizza kaffi?
Eða jafnvel pizzu dinner
Og fyrst við erum komin þangað afhverju ekki late pizzu-dinner... í staðinn fyrir að fara í ísbúðina

Anyone?

Strákar

Sama hvað mar verður gamall og reyndur í strákafaginu tekst þeim alltaf að ganga fram af manni. Hve ódannaðir, klunnalegir og bara hreinlega vandræðalega vitlausir þessar elskur geta verið.

Stórmerkilegt.

Blogg fyrir rauðhærða

Jæja, hún Guðný Þóra rauðhaus með meiru er búin að grátbiðja mig um færslu tvo daga í röð þannig ég ákvað að verða við þessum bljúgu bænum hennar. Verst að ég hef voða lítið að segja. Hef ekkert verið að bardúsa neitt merkilegt undarfarnar vikur og mánuði. Hef aðallega verið mjög dugleg í deit&hitt menningunni. Það felst þó aðallega í fylleríum, sms-um og MæSpeis MSG sendingum. En ég vil alls ekki JINX-a neitt gott þar með því að blása það upp hér frekar.
En ég hef einnig horft mjög mikið á sjónvarpið þannig ég ætla að taka það helsta fyrir hér.

ANTM

Þessi þáttur fer alveg í mínar fínustu fínustu. Hvar finna þeir þessar gellur eila? Það mætti halda að það sé eitthvað sambandi á milli minnkandi líkamsþyngdar og fækkandi heilasellna þarna í henni Ameríku. Held að þær lifi allar á kolvetnasnauðu fæði. Til að heilinn starfi rétt og vera þokkalega andlega stabíll þarf líkaminn kolvetni. Þessir keppendur eru lifandi sönnun þessarar kenningar.

High School Reunion

Annar þáttur sem hefur verið alveg ómissandi á hate to watch listanum mínum. Alveg magnað hvað liðið verður nostalgíað í þessum þáttum. Þau hafa öll safnað heilum tíu árum í reynslusarpinn og ættu að vera orðin alveg vel sjóuð félagslega í dag... en nei. Það tók þau 0,1 sek að detta aftur inn í karakterinn sem þau voru þá.
Þetta var reyndar einnig raunin á síðasta reunion-i sem ég fór á. Margir sem duttu alveg í sama gírinn. Hefði verið spennandi að sjá hvernig það hefði farið ef við hefðum verið föst saman með nóg af áfengi og heitum pottum í einhverjar vikur.

Allir CSI þættirnir

Eru orðnir svo skelfilega þreyttir að ég vona að allar CSI derhúfurnar í Þjóðhátiðar krúinu okkar séu bara týndar. Hver er ekki orðinn þreyttur á eintóna Horacio? Eða á þessum sífelldu upplýsingum og predikunum sem fylgja alltaf með í hverju einasta skoti. Hvort sem þetta lið standi yfir einhverju greyið sundurskornu fórnarlambinu on the field eða inni í líkhúsi. Jafnvel yfir öllum heimsins mögulegu græjum sem virðast komast fyrir í eina litla rannsóknarherberginu þeirra. Ekki eins og þessar græjur séu ekki nóg til að rýja þættina trúverðugleika heldur þarf að troða inn ótrúverðugustu upplýsingahlöðnustu samtölum í geiminum líka.

Law&Order

Þoli ekki D´Onfrio gaurinn. Og heldur ekki þetta svart/hvítt saksóknaralið.

The Drew Carey Show

Sama hvað þeir láta sætu ljóshærðu óléttu kærustuna hans Drew vera í ljótum fötum trúir mar því bara ekki að hún hafi sjálfviljug farið undir hann. Jafnvel þó hún hafi leikið í 300 Guiding Light þáttum.

Nýi Survivor þátturinn

Hve lengi er hægt að teygja eina lopapeysu?

Laugardagslögin

Talandi um að teygja lopann. Hefur einhver horft á hvern einasta hátt frá upphafi til enda? Ég horfi oftast á fyrstu fimm mínúturnar bara til að sjá hverju gyðjan hún Ragnhildur klæðist. Og hvað Selmu mistekst alltaf að toppa hana. Hún kemst bara ekki með tískutærnar þar sem Ragnhildur hefur hælana.

Life

Interesting þáttur so far

Boston Legal

Ótrúlega skemmtilegur þáttur. Ógsla ánægð með allt þetta gamla lið sem alveg stendur fyllilega fyrir sínu þó það sé gengið langt á seinni helming ævinnar. Eini mínusinn er zoolander króníska beinagrindin, aka Saffron Buroughs. En hún er líka eina undartekningin frá "góður þáttur" reglunni

Ugly Betty

Elskana

Less then Perfect

Vinnur á en ég er samt á báðum áttum

The Dead Zone

Ef mar á hálftíma til að eyða í ekki neitt þá er allt i lagi að hafa kveikt á DZ á meðan mar les bók eða er í tölvunni.

Svo lenti ég á einhverri Kúrdískri VH1 (ellimanna MTV) stöð um daginn í Kapalkerfi í Heiðarholtinu í KEF. Það var mjög áhugavert. Öll myndböndin voru eins. Kall að syngja. Og nokkrir kallar með handklæði á hausnum í bakgrunni sem héldust svona kross í hendur og stigu hliðar saman hliðar dans á meðan þeir söngluðu í, að er hljómaði, einhverri spes kúrdískri falsettu.

Svo er einn þáttur, The Break Up, á RÚV sem skoraði ansi hátt í áhorfskönnunum en ég hef því miður alveg misst af honum. Doldið fúlt. Þá hefði ég getað horft á sjónvarp 97 tíma í viku í staðinn fyrir einhverja aumingjalega rúmlega 96 tíma.

123 síðan lokuð tímabundið

Þannig mar er eitthvað að vesenast hér svona rétt á meðan. Til að drepa tímann.

Fylgist með